ინდივიდუალური მეწარმის გადასახადები 2026 წელს

ინდივიდუალურ მეწარმეს სამი ძირითადი რეჟიმი აქვს. რეჟიმზეა დამოკიდებული განაკვეთი, დასაბეგრი ბაზა და ის, რომელი დეკლარაცია და როდის უნდა წარადგინოთ.

განახლებულია:

სამი რეჟიმი

  • ზოგადი რეჟიმი (რეგისტრაციის შემდეგ ავტომატურად) — 20% წმინდა შემოსავლიდან: შემოსავალს გამოკლებული დოკუმენტურად დადასტურებული ხარჯები. ერთი წლიური დეკლარაცია მომდევნო წლის 1 აპრილამდე.
  • მცირე ბიზნესი — 1% ბრუნვიდან, 3% — კალენდარულ წელს 500 000 ლარის გადაჭარბების შემდეგ. ხარჯები არ გამოიქვითება. დეკლარაცია ყოველთვიურად, 15 რიცხვამდე.
  • მიკრო ბიზნესი — 0%, თუ წლიური შემოსავალი 30 000 ლარს არ აღემატება და დაქირავებული პირი არ გყავთ. წლიური დეკლარაცია.

რეგისტრაციის შემდეგ ზოგად რეჟიმზე ხართ

ინდმეწარმედ რეგისტრაცია 1%-იან განაკვეთს ავტომატურად არ იძლევა. მცირე ბიზნესის სტატუსი rs.ge-ის კაბინეტში ცალკე განცხადებით უნდა მოითხოვოთ. 2026 წლის 7 მარტიდან სტატუსი მოქმედებს განცხადების წარდგენის დღიდან და არა მომდევნო თვის პირველი რიცხვიდან, როგორც ადრე. განცხადებამდე მიღებული შემოსავალი ზოგადი წესით იბეგრება.

თქვენი რეჟიმი eservices.rs.ge-ზე შეგიძლიათ ნახოთ: გადამხდელის ბარათში მითითებულია კატეგორია, ხოლო ბლოკში „დეკლარაციების ჭრილში ინფორმაციის წარმოდგენა“ — რომელი დეკლარაციების წარდგენა გევალებათ.

საქართველოს და უცხოური წყარო

მცირე ბიზნესის სტატუსით იბეგრება საქართველოს წყაროდან მიღებული შემოსავალი; უცხოური წყაროს შემოსავალი გათავისუფლებულია (საგადასახადო კოდექსის 82-ე მუხლი). მაგრამ მომსახურება, რომელიც ფაქტობრივად საქართველოში სრულდება, საქართველოს წყაროდ ითვლება, მაშინაც კი, თუ დამკვეთი საზღვარგარეთაა.

დღგ

დღგ-ს (18%) გადამხდელად რეგისტრაცია სავალდებულოა, თუ დასაბეგრი ოპერაციები ნებისმიერ 12 თვეში 100 000 ლარს გადააჭარბებს. დღგ-ს ცალკე ყოველთვიური დეკლარაცია აქვს, 15 რიცხვამდე.

რა აირჩიოთ

  • ხარჯები მცირეა, ბრუნვა 500 000 ლარამდე — როგორც წესი, მცირე ბიზნესი ყველაზე მომგებიანია.
  • დიდი დადასტურებული ხარჯები (საქონლის შესყიდვა, იჯარა, ხელფასები) — გამოთვალეთ ზოგადი რეჟიმიც: მოგების 20% შეიძლება ბრუნვის 1%-ზე ნაკლები აღმოჩნდეს.
  • 30 000 ლარამდე შემოსავალი, დაქირავებულების გარეშე — მიკრო ბიზნესი; ზღვრის გადაჭარბებისას სტატუსი უქმდება და მცირე ბიზნესზე გადასასვლელად 15 დღე გაქვთ.

დაითვალეთ გადასახადი ბანკის ამონაწერით

ატვირთეთ BOG-ის ამონაწერი — მივიღებთ rs.ge-ის დეკლარაციის სტრიქონებს. ფაილი არ ტოვებს თქვენს ბრაუზერს.

კალკულატორის გახსნა

ხშირი კითხვები

უნდა წარვადგინო დეკლარაცია, თუ შემოსავალი არ მქონდა?

მცირე ბიზნესის სტატუსით — დიახ, ნულოვანი დეკლარაცია ყოველთვიურად. 2026 წლის 7 მარტიდან წარუდგენელი დეკლარაცია ნულოვნად აღარ ითვლება — ეს საგადასახადო სამართალდარღვევაა, ჯარიმით. ზოგად რეჟიმზე ერთი წლიური დეკლარაცია წარედგინება.

რა ხდება 500 000 ლარის გადაჭარბებისას?

განაკვეთი 3% ხდება გადაჭარბების თვის დასაწყისიდან წლის ბოლომდე. ორი წელი ზედიზედ გადაჭარბებისას მცირე ბიზნესის სტატუსი უქმდება.

ნებისმიერ საქმიანობაზე ვრცელდება მცირე ბიზნესის სტატუსი?

არა. არსებობს საქმიანობების ჩამონათვალი, რომლებზეც სტატუსი არ ენიჭება. განცხადებამდე გადაამოწმეთ თქვენი საქმიანობა.

რომელი კურსით გადავიყვანო უცხოურ ვალუტაში მიღებული შემოსავალი?

ეროვნული ბანკის ოფიციალური კურსით, შემოსავლის მიღების დღეს.

წყაროები

ასევე წაიკითხეთ

შეგატყობინოთ, როცა ავტომატური წარდგენა ჩაირთვება?

კონტაქტს მხოლოდ გაშვების შესახებ შეტყობინებისთვის გამოვიყენებთ.